Este módulo realízase durante o transcurso das prácticas. Consiste na elaboración dun proxecto que aúne o aprendido en cada un dos módulos que compoñen o Ciclo. Por tanto, estamos ante a formulación teórica dun gran proxecto do que realizaremos, ademais, unha parte práctica.

Para enfrontarse a el, o titor do módulo impartirá unha clase explicativa na que sentarán as bases para a realización dun anteproxecto que terá que ser aprobado por un Tribunal. Despois, entregaranse os apartados e puntos específicos que haberá que tocar para a realización do mesmo.

Cada alumno contará cun titor individual ao que lle irá realizando as entregas pertinentes e expoñendo as dúbidas para ir guiando o traballo.

Ao final, o alumno presentará e defenderá o seu proxecto ante un Tribunal constituído por profesores do Ciclo e que avaliarán de forma conxunta o traballo realizado.