RPMI é a única materia práctica deste Ciclo que non ten que ver cun proceso 3D. Con todo, dado o estado do sector industrial nestes momentos, é a que permite unha saída profesional inmediata, fácil e individual. É recoñecida a necesidade dun grupo de persoas para realizar contidos 3D (películas de animación, videoxogos) se non se quere alongar o proxecto no tempo; pero é factible a realización dun proxecto multimedia en solitario con grandes posibilidades de éxito. O estudo deste módulo permite unha rápida inserción laboral.

Nesta materia, faise unha incursión no ámbito laboral para actualizar os obxectos de aprendizaxe tendo en conta o continuo cambio ao que ven sometidos. Antes, unha páxina "web" e un CD-ROM considerábanse os produtos estrela multimedia. Hoxe en día, case todo o que nos rodea ofrece unha interacción ao usuario cunha clara intención de entretemento e formación: currículos interactivos, pantallas táctiles, documentos interactivos, revistas electrónicas, gráficos interactivos,...

Polo tanto, a intención é realizar tres produtos claramente diferenciados coincidentes con cada trimestre e pequenos produtos de transición entre un e outro.

Ao ser un módulo eminentemente práctico, a metodoloxía de traballo será a realización continua de exercicios para aprender os procesos coas seguintes intencións:

1) Repetición do código de programación visto en clase para enfrontarse ás equivocacións de quen escribe por primeira vez linguaxe informática.

2) Aprendizaxe do proceso.

3) Investigación ante a modificación do código para unha aprendizaxe individual.

4) Inspiración para futuros proxectos.

5) Realización de proxectos.